“Memfis Qrizzlis” komandasının hücumçusu Ceylen Vells və “Filadelfiya Siksers”ın müdafiəçisi Jared Makkeyn müvafiq olaraq Milli Basketbol Assosiasiyasının Qərb və Şərq Konfransında ayın ən yaxşı debütantları seçilib.
Qərar üçün oktyabr və noyabr aylarında keçirilən oyunlar nəzərə alınıb. Bu müddət ərzində Vells orta hesabla 12,2 xal və 3,3 ribaundla oynayıb. Onun üç xallıq atışlarının dəqiqlik faizi 39,4 təşkil edib. Makkeyndə isə göstəricilər belə olub: orta hesabla 16 xal və 2,6 asist.