Basketbol üzrə Avroliqa turnirində 13-cü tura yekun vurulub.
Liderlər qrupunda qərarlaşan “Monako” və “Olimpiakos” komandaları knyazlıqda üz-üzə gəlib. Gərgin keçən matçın taleyi son dəqiqələrdə həll edilib. Qonaqlar daha dəqiq olaraq qalib gəliblər – 89:80.
Milanın “Olimpiya” komandası uğurlu çıxışını davam etdirir. İtalyanlar bu dəfə evdə “Srvena Zvezda”nı 101:86 hesabı ilə məğlub ediblər. Bu da Ettore Messinanın komandasının ardıcıl 4-cü qələbəsi olub.
Autsayderlərin qarşılaşması da maraqlı alınıb. İtaliyanın digər təmsilçisi “Virtus” doğma arenada “Alba”ya məğlub olub – 88:90. Almaniya təmsilçisi overtaymda qələbə qazanıb.