“Ferrari” sürücüsü Şarl Leklerin kiçik qardaşı Artur Lekler Abu Dabi Qran Prisinin ilk sərbəst yürüşlərində ispaniyalı Karlos Saynsı əvəz edəcək. Bu barədə “Scuderia”nın mətbuat xidməti məlumat yayıb.
Bu hadisə tarixdə ilk belə hal olacaq. Formula 1-də heç vaxt iki qardaş eyni komandada yarışmayıb.
Xatırladaq ki, mövsümün sonunda Sayns “Ferrari”ni tərk edəcək. Gələn il ispaniyalı pilot “Williams”da çıxış edəcək.
Əbu-Dabi Qran Prisi dekabrın 6-dan 8-dək keçiriləcək. “Ferrari” Mühəndislər Kubokunda ikinci yeri tutur. Skuderiyanın 619 xalı var.
Əlavə edək ki, “Ferrari” komandasında gələn il Şarl Leklerlə birlikdə yeddiqat dünya çempionu Lyuis Həmilton çıxış edəcək.
