“Böyük Dəbilqə”nin 24 qat qalibi, serb tennisçi Novak Cokoviç 2025-ci ildə əsas titullara namizədlərini açıqlayıb.
“Hələ də yüksək səviyyədə oynaya biləcəyimi hiss edirəm. Bəli, Sinner və Alkaras özlərini dünyanın ən yaxşı iki oyunçusu kimi təsdiqləyiblər. Bu reallıqdır. Zverevi də unutmaq olmaz. Onların hamısı qarşıdan gələn “Böyük Dəbilqə” turnirlərində, eləcə də bir çox digər turnirlərdə qələbəyə əsas iddiaçılar olacaq”, – deyə Cokoviç “Runto de Break”ə müsahibəsində bildirib.
Cokoviç hazırda istirahətdədir. O, yeni mövsümə dekabrın 30-dan yanvarın 5-dək Avstraliyanın Brisben şəhərində keçiriləcək ATP-250 turnirində başlayacaq.