“Vest Hem” baş məşqçisini dəyişməyə hazırlaşır. İngiltərə Premyer Liqasında uğursuz çıxış edən londonlular Xulen Lopeteqini istefaya göndərəcək.
Futbolinfo.az xəbər verir ki, klub istefa qərarını verməmiş yeni baş məşqçini tapmaq istəyir. Yalnız yeni mütəxəssislə razılıq əldə edildikdən sonra vida rəsmiləşəcək.
“Vest Hem”i çalışdırmağa namizədlər siyahısına isə Rocer Şmidt başçılıq edir. 57 yaşlı alman mütəxəssislə ilkin danışıqlar olub, detallar müzakirə edilir.
“Bayer”, PSV kimi komandalara rəhbərlik etmiş təcrübəli mütəxəssisin son iş yeri “Benfika” olub. O, iki il rəhbərlik etdiyi lissabonluları avqustun 31-də klub rəsmiləri ilə anlaşa bilmədiyi üçün tərk etmişdi.