AFFA İntizam Komitəsi aşağı yaş qrupu üzrə liqalarda keçirilən oyunlardakı neqativ hallarla bağlı qərarlarını açıqlayıb.
Futbolinfo.az xəbər verir ki, U-14 Liqasında çıxış edən “Çinar”ın baş məqşçisi Elçin Quziryani 5 oyunluq cəzalandırılıb. Buna səbəb Gəncə komandasının çalışdırıcısının “Azəri” ilə görüşdə texniki zona qaydalarını pozması, hakimlər briqadasını təhqir və fiziki təzyiq etməsidir.
Komitə iki komandaya isə texniki məğlubiyyət verib. U-12 Liqasının “Kürdəmir” – “Çərəkə” matçı birincilərin heyətində yetərsay olmadığına görə baş tutmayıb. U-10 Liqasında isə “Karvan” – “Antiguoko İnternational” qarşılaşması ev sahiblərinin təyin edilən vaxtda meydanda olmadığı üçün keçirilməyib. Bu üzdən “Kürdəmir” və “Karvan”a 0:3 hesablı texniki məğlubiyyət verilib.