Formula 1 sürücüləri 2024-cü il mövsümünün başa çatması ərəfəsində ənənəvi şam yeməyinə toplaşıblar. Çempionatın mətbuat xidməti tədbirdən fotolar paylaşıb.
Maraqlı məqamlardan biri odur ki, son zamanlar aralarında gərginlik yaşanan Maks Ferstappenlə Corc Rassel arasında dörd sürücü var.
Xatırladaq ki, dördqat dünya çempionu ilə britaniyalı pilot arasında qızğın mübahisə yaranıb. Buna səbəb Qətər qran-prisi zamanı aralarında baş verən insident olub.
Əlavə edək ki, şam yeməyində “Aston Martin” pilotları Fernando Alonso və Lens Stroll, eləcə də “Haas” sürücüləri Kevin Magnussen və Niko Hülkenberq iştirak etməyib.
