“Son 2 oyunda yaxşı nəticələr əldə etmişik. Bu, bizim üçün vacibdir” – bu sözləri futbolinfo.az-a açıqlamasında “Zirə”nin hücumçusu Junior Martins deyib.
O, komandasının Misli Premyer Liqasındakı son matçlarda uğurlu çıxışından danışıb: “Bu cür qələbələr ona görə önəmlidir ki, bizə motivasiya verir. Digər oyunlarda daha inamlı çıxış edə bilirik. Qalib gəlmək bizi qələbələrə həvəsləndirir. Bəli, elə oyunlar oldu ki, uduzmamalı idik, amma uduzduq. İtirdiyimiz xalları sığortalayacağıq. Qarşıda 2 oyun var. Həmin matçlarda sadəcə, qalib gəlmək istəyirik. Başqa düşüncəmiz yoxdur”.
Braziliyalı forvard qarşıdakı turda “Turan Tovuz”a qarşı keçirəcəkləri matçdan da söz açıb: “Zirə” liqada istənilən rəqibə qalib gəlmək gücündədir. Bu böyük oyuna hazırlaşırıq. Rəqibin yaxşı komandası var. Amma “Zirə” hər zaman meydana 3 xal üçün çıxır”.