Amerikanın “Netflix” rəqəmsal yayım platforması dünyanın keçmiş bir nömrəsi və tennis üzrə “Böyük Dəbilqə” turnirlərinin 22 qat qalibi Rafael Nadal haqqında sənədli film çəkəcək.
“O, tennis tarixini yenidən yazıb. İndi isə onun öz hekayəsini danışmaq vaxtıdır. Rafael Nadalın ilk illəri , karyerasındakı əsas mərhələləri və əfsanəvi səyahətinin son fəslini əks etdirən sənədli film Netflix-ə gəlir”, – deyə servisin rəsmi sosial media hesabında deyilir.
Nadalın son peşəkar turniri noyabrda Malaqada keçirilən Devis Kubokunun finalı olub. Ümumilikdə, ispaniyalı karyerası ərzində təklərdə 92, cütlüklərdə isə 11 titul qazanıb. O, İspaniya millisi ilə 5 qat Devis Kubokunun qalibi və ikiqat olimpiya çempionudur.