MBA-da bu gecə əlamətdar hadisə baş verib. Lebron Ceyms liqanın daha bir rekordunu yeniləyib.
“Los-Anceles Leykers” səfərdə “Sakramento Kinqs”in qonağı olub. Görüş 113:100 hesabı ilə “Leykers”in xeyrinə başa çatıb.
Görüşdə Lebron Ceyms liqa tarixində ən çox oynadığı dəqiqə sayına görə Basketbol Şöhrət Zalının üzvü və altıqat MBA çempionu Kərim Abdul-Cabbarı (57,446) ötüb.
Əlavə edək ki, bu mövsümdə 39 yaşlı Ceyms 24 oyunda meydana çıxıb, onun orta göstəriciləri 22,8 xal, 9,1 asist və 8 ribaund təşkil edir.