İspaniya La Liqasının 18-ci turu çərçivəsində səfərdə “Barselona”nı 2:1 hesabı ilə məğlub edən “Atletiko” 18 ildən sonra “blauqrana”nı qonaq qismində yenə bilib. Madridlilər bu qarşılaşmayadək “Barsa” ilə 24 səfər matçında uğur qazana bilməmişdi.
“Qırmızı-ağlar”ın Kataloniya klubu üzərində əvvəlki belə qələbəsi 2005/2006 mövsümündə, 2006-cı ilin fevralında qeydə alınmışdı. Madrid təmsilçisi həmin vaxt 3:1 hesablı zəfərə sevinmişdi.
Qeyd edək ki, bu qələbə sayəsində xallarının sayını 41-ə çatdıran paytaxt komandası La Liqanın turnir cədvəlində liderliyə yüksəlib. “Atletiko”dan bir oyun çox keçirən “Barselona” 38 xalla 2-ci, “Real ” (37 xal) isə 3-cü pillədə mövqe tutub.