MBA-da müntəzəm çempionat 14 oyunla davam edib.
“Qolden Steyt Vorriors” komandasının uğursuzluğu davam edir. Bu dəfə onlar evdə “İndiana Peysers”ə məğlub olublar – 105:111. Stiv Karri cəmi 10 xal toplayıb.
Alperen Şengünün komandası “Şarlot Hornets”lə oyunun taleyini fasiləyə qədər həll edib. Hyuston komandasının iki perioddan sonra üstünlüyü 31 xal təşkil edib. Nəticə isə 114:101 olub. Şengün 26 dəqiqə ərzində 17 xal toplayıb.
Lider “Klivlend Kavalers” evdə Yuta Caz”a 124:113 hesabı ilə qalib gəlib. Lebron Ceymsin tripl-dablına baxmayaraq “Los-Anceles Leykers” “Detroyt Pistons”la bacarmayıb – 114:117.
Daha bir maraqlı nəticə Orlandoda qeydə alınıb. Meydan sahibləri “Boston Seltiks”ə qalib gəlib – 108:104.