“Red Bull” komandasından 27 yaşlı pilotu, dördqat Formula 1 çempionu Maks Ferstappen ardıcıl olaraq ikinci il ölkəsinin ən yaxşı idmançısı seçilməyib.
Bu barədə GPblog məlumat yayıb.
Ferstappen 2021 və 2022-ci illərdə Niderlandın ən yaxşı idmançısı seçilmişdi. 2023-cü ildə bu mükafat velosipedçi Metyu van der Poelə qismət olmuşdu. Bu il kubok Parisdə keçirilən Olimpiya oyunlarının ulduzlarından biri – Harri Lavrayzenə verilib. Lavrayzen velosiped idmanında üç qızıl medal qazanıb.
Xatırladaq ki, Avropanın ən yaxşı idmançısı nominasiyasında Parisdə keçirilən Olimpiadada dörd qızıl medal qazanan üzgüçü Leon Marşan birinci olub. İkinci yeri sloveniyalı velosipedçi Tadej Poqaçar tutub. Ferstappen, 21 Avropa nəşrinin səsverməsinə görə, Avropa idmançıları arasında beşinci olub.