İngiltərə Premyer Liqasının 20-ci turunda “Mançester Yunayted”lə heç-heçə edən “Liverpul”un baş məşqçisi Arne Slot 2:2 hesabı ilə bitən oyunu dəyərləndirib.
Nderlandlı mütəxəssis ev heç-heçəsndən o qədər də razı deyil: “Oyuna çox yaxşı başladıq, real qol imkanımız oldu. Ardından müəyyən periodda çətinlik çəkdik. Onlara qarşı oynamaq asan deyildi. Toplu şəkildə müdafiə olunurdular. 0:1 hesabı ilə geri düşəndə vəziyyət bizim üçün mürəkkəbləşdi. Xoşuma gələn isə belə durumdan çıxmağımız, hesabda önə keçməyimiz oldu”.
19 oyuna 46 xal toplayan “Liverpul” turnir cədvəlinə başçılıq edir. 20 matça 23 xal yığan “Mançester Yunayted” isə hazırda 13-cü yerdədir.