Formula 1 üzrə dünya çempionatında çıxış edən Almaniyanın “Mercedes” komandası idman geyimləri, ayaqqabıları və aksesuarlarının istehsalçısı olan “Adidas” şirkəti ilə çoxillik müqavilə imzalayıb. Tərəfdaşlığın bəndlərinə uyğun olaraq, “Adidas” hər bir sürücü və komanda üzvləri üçün xüsusi dəst hazırlayacaq. Bütün məhsulları azarkeşlər də əldə edə biləcəklər.
“Komandamız üçün yeni səhifəyə başlayırıq. Bu mənada dünyaca məşhur şirkətlə tərəfdaşlığımız gözəl niyyətimizin bariz ifadəsidir. “Adidas” təkcə üstün performansa deyil, həm də üsluba və incəliyə sadiqliyimizi bölüşən əlamətdar bir markadır. Buna görə də, anlaşma, idmanımızda komandalar və azarkeşlər üçün geyimin nə demək olduğunu yenidən müəyyənləşdirəcək, təməlqoyucu əməkdaşlıq olacaq”, – deyə “Mercedes”in rəhbəri Toto Volff bildirib.