“Toronto”nun 33 yaşlı hücumçusu Lorenzo İnsinye İtaliya A Seriyasına qayıda bilər. Bu barədə “La Gazzetta dello Sport” xəbər verib.
Mənbənin məlumatına görə, futbolçu Kanada klubu ilə qış transfer pəncərəsində yollarını ayırmaq barədə razılığa gəlib. İtaliyalı futbolçunu almaqda “Fiorentina”, “Latsio” və “Komo”nun maraqlı olduğu bildirilir. Cinah forvardı ilə Yunanıstanın “Olimpiakos” və Səudiyyə Ərəbistanı klubları da maraqlanır.
Xatırladaq ki, İnsinye 2022-ci ilin yayında İtaliyanın “Napoli” klubundan Kanadanın “Toronto” komandasına keçib. Bu müddət ərzində İnsinye 63 matçda 18 qol vurub və 13 məhsuldar ötürmə edib.
Forvardın hazırkı müqaviləsi 2026-cı ilin yayına kimi nəzərdə tutulub.