Niderland millisinin və “Barselona”nın sabiq futbolçusu Patrik Kluyvertin İndoneziya millisinə baş məşqçi təyinatı rəsmiləşib.
Futbolinfo.az xəbər verir ki, bu barədə İndoneziya Futbol Assosiasiyası məlumat yayıb.
Xatırladaq ki, Kluyvertin son iş yeri Türkiyənin “Adana Demirspor” klubu olub. O, bunadək Kurasao millisini də çalışdırıb.
Kluyvert futbolçu karyerası ərzində isə “Ayaks”, “Milan”, “Barselona”, “Nyukasl”, “Valensiya”, PSV və “Lill”də çıxış edib.