Qadın voleybolçular arasında Azərbaycan Yüksək Liqasında bu gün 5-ci turun oyunları keçiriləcək.
Futbolinfo.az xəbər verir ki, turun bütün oyunları eyni gündə təşkil ediləcək.
Saat 16:00-da “Murov Az Terminal” – “Abşeron”, bundan iki saat sonra isə “Azərreyl” – “Gəncə” matçları start götürəcək. Hər iki qarşılaşma Gənclər və İdman Nazirliyinin Voleybol Mərkəzində reallaşacaq.
Saat 17:00-da isə UNEC və “Milli Aviasiya Akademiyası” münasibətlərə aydınlıq gətirəcək. Görüş UNEC klubunun idman zalında baş tutacaq.