Milli Basketbol Assosiasiyasının keçmiş oyunçusu, dörd dəfə “All-Star Game”də çıxış edən Demarkus Kazins Monqolustan Milli Liqasında mübarizə aparan “Selenge Bodons” klubu ilə müqavilə imzalayıb. Bu barədə “Hoopshype” məlumat yayıb.
Portalın məlumatına görə, Kazinsin klubla cari mövsümün sonuna qədər müqavilə bağlayıb.
Xatırladaq ki, Kazinsin 34 yaşı var. Demarkus 2010-2022-ci illərdə MBA-da çıxış edib. Bu müddət ərzində o, “Sacramento Kings”, “Denver Nuggets”, “New Orleans Pelicans”, “Golden State Warriors”, “Houston Rockets” və digər komandaların şərəfini qoruyub.