Misli Premyer Liqasının cari mövsümünün ilk yarısında keçirilən 90 oyunda 23 müxtəlif hesab qeydə alınıb.
Futbolinfo.az saytının məlumatına görə, matçların 52-də maksimum 2 qol vurulub.
Ən çox 0:1 hesabı müşahidə olunub – 12 dəfə. Qarşılaşmalar 11 dəfə 1:0, 10 dəfə isə 1:1 hesabı ilə yekunlaşıb. 7 görüşdə tablodakı sıfırlar dəyişməyib (0:0). 7 oyunda qonaqlar, 5-də isə ev sahibləri iki cavabsız qolla qalib gəliblər.
6 oyunda yekun nəticə 2:1 olubsa, 5 dəfə 2:2 hesablı məhsuldarlıq yaşanıb. 3:2, 3:1, 3:0, 0:3 və 4:0 hesablarına 3 dəfə rast gəlinib. İki oyunda 2:4 və 4:1 hesabları olub. 1:2, 2:3, 4:3, 1:3, 1:4, 0:4, 5:0 və 0:5 hesabları isə 1 dəfə qeydə alınıb.