İspaniya La Liqasının 19-cu turunda “Osasuna” ilə qarşılaşmada (1:0) qələbə qazanan “Atletiko” ardıcıl qələbələrin sayına görə yeni rekorda imza atıb.
Futbolinfo.az “Opta Sport”a istinadən xəbər verir ki, Dieqo Simeonenin baş məşqçisi olduğu komanda bu mövsüm iştirak etdiyi bütün turnirlərdə 14 qələbə qazanıb.
Madrid təmsilçisi İspaniya çempionatında ardıcıl 8 qələbəyə sevinib. Komandanın həmçinin İspaniya Kubokunda və UEFA Çempionlar Liqasının Liqa mərhələsində üç qələbəsi var.
Daha əvvəl “Atletiko”nun ən yaxşı seriyası 2012-ci ilin avqust-oktyabr aylarında 13 matçdan ibarət idi. Həmin vaxt da komandaya argentinalı mütəxəssis rəhbərlik edirdi.