Melburnda davam edən tennis üzrə Avstraliya Açıq Çempionatında ikinci gün geridə qalıb. Kişilərin mübarizəsində favoritlər qələbə qazanıblar.
Karlos Alkaras çətinlik çəkmədn Şevçenkonu məğlub edib – 6:1, 7:5, 6:2. Novak Cokoviç isə ilk setdə müəyyən çətinlik yaşayıb. Amerikalı Basavareddi ilk setdə 6:4 hesabı ilə qalib gəlsə də, bundan artığına gücü çatmayıb. Cokoviç görüşü 3:1 hesablı qələbə ilə tamamlayıb.
Qriqor Dimitrov zədə səbəbiylə ikinci setdə görüşü dayandıraraq turnirlə vidalaşıb. Dünya reytinqinin bir nömrəsi Yannik Sinner də ilk oyunda qalib gəlib. İtaliyalı Nikolas Xarridən üstün olub – 7:6, 7:6, 6:2.