Ronald Arauxo “Barselona”dan ayrılmaqda qərarlıdır. Uruqvaylı mərkəz müdafiəçisi, mövsümün bitimini gözləmədən, elə bu ay İspaniya nəhəngini tərk etmək istəyir.
Futbolinfo.az xəbər verir ki, Arauxonun əsas müştərisi “Yuventus”dur. Arxa xəttdə ciddi sıxıntı yaşayan turinlilər təcrübəli oyunçu axtarır. Bu baxımdan Ronaldın qərarı onların diqqətini çəkib.
Artıq klublar arasında danışıqlar başlayıb. “Barselona” ilə müqaviləsi 2026-cı ilin yayında bitəcək 25 yaşlı uruqvaylı yekun qərarı gözləyir. Transfer dəyəri 55 milyon avro olan Arauxonun transferində razılıq əldə edilsə, futbolçu şəxs müqaviləsi ilə bağlı danışıqlara başlayacaq.