“Sakramento Kinqs” komandasının mərkəz basketbolçusu Domantas Sabonis və “Klivlend Kavaliers”in müdafiəçisi Darius Qarland MBA-da həftənin oyunçuları seçiliblər.
Domantas Sabonis ötən həftə üç görüşdə iştirak edib. Bu oyunlarda “Krallar” üç qələbə qazanıb. Sabonisin göstəriciləri orta hesabla 22,0 xal, 20,3 ribaund və 7,3 asist təşkil edib.
Darius Qarland keçən həftə “Klivlend Kavaliers” ilə üç oyundan ikisində qələbə qazanıb. Həmin görüşlərdə müdafiəçi orta hesabla 26,0 xal və 7,7 məhsuldar ötürmə ilə oynayıb.