Misli Premyer Liqasının XIX turu çərçivəsində keçiriləcək “Sumqayıt” – “Səbail” oyununun biletləri artıq satışdadır.
Futbolinfo.az “Sumqayıt”ın rəsmi saytına istinadən xəbər verir ki, biletləri iTicket.az saytından, 1 saylı Sumqayıt ASAN Xidmət mərkəzindən, sabah saat 11:00-dan etibarən isə Mehdi Hüseynzadə adına stadionun kassasından əldə etmək mümkündür.
Biletlərin qiyməti sektorlardan asılı olaraq 2, 3, 5 və 10 manatdır. iTicket.az saytından Birbank Cashback Mastercard kartları ilə alınmış biletlərə 30% keşbek tətbiq ediləcək.
Qeyd edək ki, yanvarın 18-də Mehdi Hüseynzadə adına Sumqayıt şəhər stadionunda keçiriləcək oyun saat 18:30-da başlayacaq.