Chess.com portalı 2024-cü ildə dünyanın aparıcı şahmatçılarının pul mükafatlarını dərc edib.
Siyahıya dünya çempionatı matçının iştirakçıları başçılıq edir. Hindistanlı Qukesh Dommaraju Sinqapurdakı uğuruna görə bir milyon yarım dollar alıb. İkinci yeri Dinq Lijen tutur – çinli matç üçün bir milyon qazanıb. İlk üçlüyü fransalı Əlireza Firuzja (640 min) tamamlayıb. Onun arxasında Maqnus Karlsen var.
Reytinqdə dördüncü və beşinci yerləri keçən il 14 müxtəlif yarışda çıxış etmiş amerikalı Fabiano Karuana və rusiyalı Yan Nepomnyaşı tutur.
2024-cü ildə qazandıqları uğur sayəsində Fabiano Karuana və Dinq Lijen bütün zamanların pul mükafatları siyahısında 11-ci dünya çempionu Robert Fişeri keçiblər. Onların ümumi qazancları 3,5 milyon dollara çatıb. Qadınlar arasında hazırkı dünya çempionu, çinli Ju Venjun ümumi siyahıda 30-cu yerdədir. Nyu-Yorkda Blits üzrə Dünya Çempionatında qələbədən sonra o, karyerasında bir milyon dollardan çox qazanan ilk qadın şahmatçı olub.
Tarixdə ən çox pul qazananların sıyahısında isə Maqnus Karlsen (10 milyon 776 min) liderdir. Sonrakı yerləri Vişi Anand (9,485), Harri Kasparov (7,967), Anatoli Karpov (5,989), Vladimir Kramnik (4,775), Yan Nepomnyaşı (4,109) və Fabiano Karuana (3,630) tutur.