Portuqaliyalı həndbolçu Migel Soares Martins Beynəlxalq Dopinq Test Agentliyi tərəfindən analizinin müsbət çıxdığına görə müvəqqəti olaraq dünya çempionatından kənarlaşdırılıb. Portuqaliyalı bu testi bir il əvvəl, 2024-cü il yanvarın 13-də vermişdi. Məlumatı agentliyin özü ictimaiyyətə çatdırıb.
Yanvarın 15-də Martinsin yoxluğunda Portuqaliya millisi dünya çempionatının ilkin mərhələsinin birinci oyununda ABŞ yığmasına 30:21 hesabı ilə qalib gəlib. Klub səviyyəsində həndbolçu Danimarkanın “Olborq” komandasının şərəfini qoruyur.
Əlavə edək ki, kişilər arasında həndbol üzrə dünya çempionatı Danimarka, Norveç və Xorvatiyada keçirilir. Turnirin qalibi fevralın 2-də məlum olacaq.