Madrid “Real”ı “Bayern”in müdafiəçisi Alfonso Devis ilə müqavilə bağlaya bilməyəcək. Belə ki, kanadalı futbolçu alman klubu ilə sözləşməsini uzatmağa yaxındır.
Mənbənin məlumatına görə, tərəflər yeni razılaşmanın son detallarını həll etməkdədirlər. Müqavilə 4 il müddətinə imzalanacaq.
Qeyd edək ki, Devisin “Bayern” ilə hazırkı müqaviləsi iyunun 30-da başa çatır. Cari mövsümdə 24 yaşlı kanadalı bütün turnirlərdə 23 matçda iştirak edib, 1 qol və 3 məhsuldar ötürmə ilə yadda qalıb.