“Qurtuluş” FK-nın nəzdində fəaliyyət göstərən “Qurtuluş” Mini Futbol Klubu Sumqayıt Mini-Futbol Liqasında çıxış edən komandalardan biridir. Komanda mövsüm ərzində sponsor dəstəyi axtarışında idi və nəhayət, “YaaRa” tekstil şirkəti ilə əməkdaşlığa nail olub.
Əldə olunan razılığa əsasən, “Qurtuluş” Mini Futbol Klubu mövsümün sonuna qədər “YaaRa” tərəfindən istehsal olunan formaları geyinəcək.
Qeyd edək ki, “YaaRa” 2024-cü ildə təsis edilmiş və idman geyimləri istehsalı sahəsində fəaliyyət göstərən yerli markadır. “YaaRa” müxtəlif idman növləri üçün yüksək keyfiyyətli geyimlər hazırlayaraq bazarda xüsusi yer qazanmağı hədəfləyir.