“Mançester Siti” yeni transferə hazırlaşır. Amma “şəhərlilər” ilkin razılıq əldə etdiyi futbolçunu başqa kluba verəcək.
Futbolinfo.az xəbər verir ki, İngiltərə klubu “Valyadolid”dən Juma Banı heyətinə qatmaq üçün fəaliyyətə keçib. 18 yaşlı syerra-leoneli stopperin mançesterlilərə neçəyə başa gələcəyi açıqlanmır. Bazar dəyəri 1,5 milyon avro olan ucaboy müdafiəçinin müqaviləsi yayda başa çatır. İspanlar mövsümün sonunda onu azad agent kimi itirməmək üçün indi satmağa məcburdur.
Lakin Ba hələlik İngiltərə Premyer Liqasında oynamayacaq. “Şəhərlilər” müqavilə bağlayab kimi onu “Lans”a icarəyə verəcək. Abdukodir Xusanov Fransa klubundan transfer edilərkən razılaşmada gənc oyunçulardan birinin Liqa 1 təmsilçisinə icarəyə göndərilməsi nəzərdə tutulub.