MBA-da müntəzəm çempionatda 5 oyun baş tutub.
Son çempion “Boston Seltiks” səfərdə “Qolden Steyt Vorriors”u darmadağın edib – 125:85. Çempionatın lideri “Klivlend Kavalers” də qalib gəlib. “Finiks Sans” 118:92 hesabı ilə bitən qarşılaşmanın yalnız ilk periodunda müqavimət göstərməyi bacarıb. Donovan Mitçel görüşdə 33 xal toplayıb.
“Nyu-Orleans Pelikans” – “Yuta Caz” görüşünün taleyi overtaymda həll edilib. Meydan sahibləri 123:119 hesabı ilə qələbə qazanıblar.
“Nyu-York Niks” evdə “Atlanta Houks”u 119:110, “Çikaqo Buls” isə səfərdə “Los-Anceles Klippers”i 123:119 hesabı ilə məğlub edib.