Basketbol üzrə Avroliqa turnirində 23-cü tura start verilib.
İstanbulda “Anadolu Efes” böyük hesabla qələbə qazanıb. Türkiyə təmsilçisi “Olimpiya Milano”nu darmadağın edib – 110:66. Görüşdə ən çox xalı Rodriq Bobua toplayıb. Onun aktivində 18 xal var.
Madriddə “Real” son saniyələrdə “Baskoniya”nı məğlub edə bilib – 90:89. İspaniya derbisində madridlilərin argentinalı müdafiəçisi Fakundo Kampazzo 22 xal toplayıb.
Bolonyada “Virtus” “Monako”ya 80:86 hesabı ilə məğlub olub. “Panatinaikos” evdə “Jalgiris”dən 89:76, “Makkabi” isə “Srvena Zvezda”dan 85:73 hesabı ilə üstün olub.