Azərbaycan Basketbol Liqasının XII turunda bu gün iki oyun keçiriləcək.
A qrupunda “Naxçıvan” NTD ilə üz-üzə gələcək. Bakı İdman Sarayında keçiriləcək görüşün start fiti saat 12:30-da səsləndiriləcək. B qrupunda “Quba” “Gəncə”nin qonağı olacaq. Gəncə İdman Sarayında baş tutacaq matç saat 14:00-da başlayacaq.
Qeyd edək ki, XII turun daha əvvəl keçirilən görüşlərində “Abşeron” “Sərhədçi”ni 86:79, “Sabah” “Neftçi”ni 75:65, “Sumqayıt” “Lənkəran”ı 93:90 hesabı ilə məğlub edib. Tura yanvarın 26-da “Şəki” – “Ordu” matçı ilə yekun vurulacaq.