Ağdamda “Qırmızı ulduz” ordenli Rahib Məmmədovun xatirəsinə həsr olunan rayon turniri keçirilib.
Voleybol yarışının rəsmi açılış mərasimindən əvvəl iştirakçılar Rahib Məmmədovun Mahrızlı kənd tam orta məktəbinin qarşısında ucaldılan büstünü ziyarət edib. Dövlət Himni səsləndirilib və şəhidlərin əziz xatirəsi bir dəqiqəlik sükutla yad edilib.
Turnirdə 7 komandadan ümumilikdə 60 nəfərədək məktəbli iştirak edib. Qalib komandalar Qarabağ Regional Gənclər və İdman İdarəsinin diplomları və “Döyüş şöhrəti muzeyi” tərəfindən diplom və kubokla təltif olunublar.
BƏHRUZ MUSAYEV