“Şamaxı”ya qarşı matçlar həmişə çətin keçir. Bu dəfə də elə olacağını bilirdik. Qələbəyə görə sevinirik”. Bunu futbolinfo.az saytına açıqlamasında “Zirə”nin yarımmüdafiəçisi İsmayıl İbrahimli deyib.
O, Misli Premyer Liqasının 20-ci turunda “Şamaxı”ya 2:1 hesabı ilə qalib gəldikləri matçdan danışıb: “Qalibiyyət vacib idi. Çalışacağıq ki, bu seriyanı davam etdirək. Bundan sonra hər bir oyun bizim üçün çox önəmlidir”.
İbrahimli növbəti turda üz-üzə gələcəkləri “Qarabağ”la matçdan da söz açıb: “Qarabağ”ın gücü hər kəsə bəllidir. Ümid edirəm ki, onlarla da matça istədiyimiz kimi hazırlaşacağıq. Fikrimiz istədiyimiz xalı almaqdır”.