17 yaşadək futbolçulardan ibarət Azərbaycan millisi Belarusun paytaxtı Minskdə təşkil olunacaq UEFA İnkişaf Turnirinə qatılacaq.
Futbolinfo.az Belarus mətbuatına istinadən xəbər verir ki, turnir 16-21 fevral aralığında baş tutacaq.
Yarışda U-17 yığmamızla yanaşı, Qazaxıstan, Belarus, Özbəkistan, Rusiya, İran, Tacikistan milliləri, həmçinin Braziliyanın “BSA Academy” komandası mübarizə aparacaq.
A qrupunda yer alacaq millimiz fevralın 16-da Belarus, 17-də “BSA Academy”, 19-da Özbəkistanla üz-üzə gələcək. Fevralın 21-də isə həlledici qarşılaşmalar keçiriləcək.