Madriddəki “Madrinq” trasının havadan çəkilmiş şəkli sosial mediada yayılıb. Yeni trasın 11-13 sentyabr tarixlərində keçiriləcək 2026-cı il İspaniya Qran-Prisinə ev sahibliyi etməsi planlaşdırılır.
Layihə şəklin mərkəzində görünən IFEMA sərgi kompleksinin yaxınlığında küçə trasının inşasını nəzərdə tutur. 5,4 kilometr uzunluğundakı tras küçə hissələrini müvəqqəti və daimi infrastrukturla birləşdirəcək.
Trasın tikintisinə 2025-ci ilin aprelində başlanılıb. Oranın FIA homologasiya tələblərinə cavab vermək üçün debütdən iki həftə əvvəl hazır olması gözlənilir.
“Madrinq”in gələcəkdə 1991-ci ildən bəri İspaniya Qran-Prisinə ev sahibliyi edən Barselona trasını əvəz etməsi gözlənilir.
