“Bayern” 2012-ci ilin aprelindən bəri Çempionlar Liqasında “Real” üzərində ilk qələbəsini qazanıb.
Futbolinfo.az xəbər verir ki, bu, UEFA Çempionlar Liqasının 1/4 finalının cavab matçında gerçəkləşib. Münhen klubu rəqibini 2:1 hesabı ilə üstələyib.
2012-ci ildə də “Bayern” yarımfinalın ilk oyununda rəqibini 2:1 hesabı ilə məğlub etmiş, lakin cavab oyununda eyni hesabla məğlub olaraq, penaltilər seriyasında finala yüksəlmişdi.
2012-ci ildən bəri “Bayern” və “Real” Çempionlar Liqasında 2014, 2017, 2018 və 2024-cü illərdə qarşılaşıblar. Madrid klubu bu matçların altısında qalib gəlib, digər ikisi isə heç-heçə ilə başa çatıb.
