Ölkə futbolu
Yenə “Hilton”da, bu dəfə saat 11:00-da
AFFA Klublar Komitəsinin növbəti iclası sabah baş tutacaq. Fu…
AFFA Klublar Komitəsinin növbəti iclası sabah baş tutacaq. Futbolinfo.az xəbər verir ki, budəfəki iclas da “Hilton” otelində keçiriləcək.
İclasda bir sıra məsələlərin müzakirəsi nəzərdə tutulub. Belə ki, “Qəbələ”, AZAL və “Simurq” artıq eyni vaxtda bir məsələnin müzakirəsi üçün müraciət ediblər. Onlar “Neftçi”nin futbolçusu Karlos Kardozonun yüngül cəza almasına etiraz edəcəklər. Braziliyalı müdafiəçinin Zaqataladakı oyunda rəqib oyunçunu aşkar zərbə ilə vurmasına baxmayaraq, cəmi bir matçı buraxması “Simurq”u narazı salıb. AZAL-la “Qəbələ” isə “Neftçi”nin növbəti turlardakı rəqibləri olduğundan AFFA İntizam Komitəsinin qərarından narazıdılar.
Əslində, Kardozoya 3 oyunluq cəza kəsilib. Ancaq bunlardan ikisi şərti olduğundan futbolçu artıq qarşıdakı turdan etibarən meydana çıxa biləcək. Bundan başqa digər klublarda da Müşahidə Şurasının yaradılmasına dair müzakirələr aparılacağı gözlənilir.
Maraqlıdı ki, iclas bu dəfə erkən baş tutacaq. Halbuki buna qədər iclaslar adətən günorta saatlarına təyin olunurdu. Bu dəfə isə klub rəsmiləri səhər saat 11-də bir araya gələcək.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-05-30 16:12
“Sabah” “Kəpəz”in legionerini heyətinə qatdı
- Ölkə futbolu2024-05-30 10:50
Souza və Marandiçi Bakıya köçə bilər
- Milli komanda2024-05-31 16:45
Vayss millimizə rəhbərlik etməyəcək: yerlilər arasından seçim edilə bilər
- Ölkə futbolu2024-05-31 09:07
“Turan Tovuz”da qapıçı qalmadı: Aydın da “Zirə”yə getdi