Müsahibə
Qurban Qurbanov: "Nəticə öz yerində, xarakter nümayiş etdirdilər"
Premyer Liqanın 11-ci turunun son qarşılaşmasında "Zirə&quo…
Premyer Liqanın 11-ci turunun son qarşılaşmasında "Zirə"ni səfərdə 2:0 məğlub edən "Qarabağ"ın baş məşqçisi Qurban Qurbanov mətbuat konfransı keçirib. Futbolinfo.az xəbər verir ki, təcrübəli mütəxəssis yetirmələrindən razı qaldığını bildirib.
– Futbolçuları təbrik edirəm. Nəticə öz yerində, xarakter nümayiş etdirdilər. PAOK-la oyundan sonra yorğunluq çıxmamışdı. "Zirə" bu gün bəlkə də məğlubiyyətə layiq deyildi. Deyərdim ki, mövsümdə ən yaxşı oyunlarını keçirdilər. Düşünürəm ki, ən vacib 3 xallardan birini qazandıq.
– Rəşad Sadıqovun 18-liyə salınmamasının səbəbi nə idi?
– Zədəli deyil. Uzun müddət oynamamışdı, sonra PAOK-a qarşı 90 dəqiqə oynadı. Ardıcıl 2-ci oyunda da eyni yükü ona vermək təhlükəli idi.
– "Qəbələ"nin AZAL-la matçda xal itirməsi komandanızın oyununa təsir göstərdimi?
– Xeyr, biz ancaq öz oyunumuzu düşünürük. Bu, tək bu gün belə deyil, həmişə belə olur.
– "Zirə"ni komandanız üçün çempionatın ən asan rəqib adlandırmaq olar?
– Onlarla bütün görüşlərimiz gərgin mübarizə şəraitində keçir. Doğrudu, bəzən istisnalar olur. Sadəcə, üst sıralarda qərarlaşmaq istəyiriksə, bütün komandalarla qələbəyə oynamalıyıq.
– Çempionluq mübarizəsinin "Qəbələ"ylə "Qarabağ" arasında getdiyini söyləmək olarmı?
– Tezdi bu barədə düşünmək. Bir neçə tur öncə "Qəbələ"dən 6 xal geri idik. İndi hər şey təzədən başlayır.Sabah necə olacağını deyə bilmərik. Digər komandaların nəticələrinə boylanmalı deyilik. Biz öz oyunlarımız barədə düşünməliyik.
CEYHUN ƏLİYEV
![blank](https://futbolinfo.az/wp-content/plugins/wp-fastest-cache-premium/pro/images/blank.gif)