Premyer-liqa
“Gizli favorit” üçün çətin rəqib
Bu gün Topaz Premyer Liqasının 13-cü turu çər&cced…
Bu gün Topaz Premyer Liqasının 13-cü turu çərçivəsində daha bir qarşılaşma keçiriləcək. Futbolinfo.az xəbər verir ki, ikinci oyun günündə “Zirə” “İnter”i qonaq edəcək.
Topaz Premyer Liqası
13-cü tur
28 noyabr (bazar ertəsi)
17:00 “Zirə” – “İnter”
Hakimlər: Orxan Məmmədov, Mübariz Haşımov, İsgəndər Əliyev, Vüsal Qənbərov.
Əlavə köməkçi hakimlər: Ömər Paşayev, İnqilab Məmmədov.
AFFA nümayəndəsi: Rauf Əmirov.
Hakim-inspektor: Kərim Ağayev.
Zirə İdman Kompleksinin stadionu.
Cari mövsümün “gizli favoriti” sayılan “İnter” liderləri izləməkdə davam edir. Hesabat turu isə qonaqlar üçün xüsusi önəm kəsb edir. Çünki sabah zirvəni bölüşən “Qarabağ”la “Qəbələ” üz-üzə gələcəklər. Bu isə o deməkdir ki, ən azı tərəflərdən biri xal itirəcək. Belə bir durumda “bankirlər”in əldə edəcəyi 3 xalın əhəmiyyəti daha da artır.
Ancaq “Zirə” “İnter” üçün münasib rəqib sayılmır. Statistikada bərabərlik hökm sürür. Üstəlik, meydan sahibi komanda heç vaxt uduzmayıb. 3 oyundur meydanı qolsuz tərk etməyən Zaur Svanadzenin yetirmələri ilk dövrədə qəsəbə klubunu məğlub edə bilməyib. Belə ki, 7-ci tura təsadüf edən “İnter” – “Zirə” qarşılaşması 1:1 hesabı ilə bitib. Həmin görüşdə meydan sahibləri ilk yarıda Ağabala Ramazanovun qolu ilə önə keçsələr də, qonaqlar 90+2-ci dəqiqədə Viktor İqbekoyinin dəqiq zərbəsi ilə məğlubiyyətdən qaçıblar.
STATİSTİKA: 5 oyun, +1, =3, -1, top fərqi 3:3
I DÖVRƏ: 1:1
OYUNDAN NOTLAR
– “Zirə”də cəzalı olmasa da, 4 futbolçunun balansında 3 “sarı” var. Söhbət Sezar Meza Kolli, Milan Duriç, Vüqar Mustafayev və Adil Nağıyevdən gedir.
– “İnter”in düşərgəsində ötən tur 4-cü xəbərdarlığını alan Tərlan Quliyev cəzalıdır. Səlahət Ağayev, İlkin Qırtımov, Ruslan Abışov və Pərdis Fərcad-Azadın isə 4 sarı vərəqəsi var.
– Meydan sahiblərinin heyətində ciddi zədədən əziyyət çəkən yoxdur. Qonaq komandada isə Rauf Əliyevin yoxluğu davam edir.
REFERİ
Orxan Məmmədov cari mövsümdə 5-ci dəfə baş hakim qismində təyinat alıb. Əvvəlki 4 oyunun heç birində onun yolu “İnter”lə kəsişməyib, “Zirə”nin isə evdə “Sumqayıt”a uduzduğu oyunu idarə edib.
FƏRİD