Ölkə futbolu
“Qəbələ” “Real” və “Leypsiq”lə bir sırada
Avropa ölkələrinin milli çempionatlarında 18 klub yolun…
Avropa ölkələrinin milli çempionatlarında 18 klub yoluna məğlubiyyətsiz davam edir. Futbolinfo.az "Apasport"a istinadla xəbər verir ki, onların arasında Azərbaycan təmsilçisi “Qəbələ” də var.
Sabah “Qarabağ”ın qonağı olacaq “qırmızı-qaralar” Topaz Premyer Liqasının geridə qalan 12 turunda məğlubiyyət üzü görməyiblər. “Böyük beşlik” ölkələrində (İngiltərə, İspaniya, Almaniya, İtaliya, Fransa) cəmi 3 elita təmsilçisi daxili birincilikdə hələ ki, yenilməyib. Bunlar “Real”, “Leypsiq” və “Hoffenhaym”dı. İspaniya nəhəngi 13 matçda buna nail olubsa, Bundesliqa klubları “Qəbələ” kimi, ilk 12 turda məğlubiyyətin nə olduğunu bilmirlər. “Nitsa” və “Bavariya”nın ardından son olaraq “Tottenhem” də yenilgi üzü görüb.
Məğlub olmayan 18 klub ümumilikdə 15 ölkəni təmsil edir. Həmin 18 komandadan yalnız biri, ümumiyyətlə, xal itirməyib. Belə ki, TNS Uels çempionatının ilk 16 turundan sonra yoluna itkisiz davam edir. “Seltik” və “Europa” isə cəmi 1 qarşılaşmada heç-heçə edərək büdrəyib.
Milli çempionatların məğlubiyyətsiz klubları:
18 turdan sonra
“Kopenhagen” (Danimarka) – 44 xal
17 turdan sonra
“Riyeka” (Xorvatiya) – 45
16 turdan sonra
TNS (Uels) – 48
“Bazel” (İsveçrə) – 44
“Şaxtyor” (Ukrayna) – 44
13 turdan sonra
“Real” (İspaniya) – 33
12 turdan sonra
“Seltik” (Şotlandiya) – 34
“Leypsiq” (Almaniya) – 30
“Başakşəhər” (Türkiyə) – 30
“Qəbələ” (Azərbaycan) – 28
“Beşiktaş” (Türkiyə) – 28
“Kukesi” (Albaniya) – 24
“Hoffenhaym” (Almaniya) – 22
11 turdan sonra
“Benfika” (Portuqaliya) – 29
“Dudelanj” (Lüksemburq) – 29
“Differdanj” (Lüksemburq) – 25
9 turdan sonra
“UE Santa Koloma” (Andorra) – 21
8 turdan sonra
“Europa” (Cəbəllütariq) – 22