Ölkə kuboku
“Qəbələ” üçün daha düşərli hakim
Azərbaycan kubokunun həlledici matçının hakimi Fariz Yusifo…
Azərbaycan kubokunun həlledici matçının hakimi Fariz Yusifov cari mövsümdə artıq 3 dəfə ölkə kubokunda oyun idarə edib. Final matçı referi üçün bu mənada 4-cü qarşılaşma olacaq.
Maraqlıdı ki, onun idarə etdiyi görüşlərdən ikisi “Qəbələ”nin 1/4 finalda AZAL-la görüşlərinə təsadüf edib. “Qırmızı-qaralar”ın evdə 2:1, səfərdə 1:0 hesabı ilə qalib gəldiyi qarşılaşmada o, əyalət təmsilçisinin 2, qonaqların isə 4 futbolçusuna sarı vərəqə göstərib.
Yusifov həmçinin, cari Premyer Liqada “Qəbələ”nin 5 oyununda fit çalıb ki, bu qarşılaşmalarda sözügedən komanda nəinki məğlub olub, heç qapısından top da buraxmayıb. Əvəzində ədalət təmsilçisi göstərdiyi sarı vərəqələrlə qəbələli futbolçuları daha çox cəzalandırıb – 12:7.
08.08.2016. “Qəbələ” 2:0 “Kəpəz”
03.02.2017. “Qəbələ” 1:0 “Neftçi”
19.02.2017. “Qəbələ” 2:0 “Qarabağ”
04.03.2017. “İnter” 0:2 “Qəbələ”
09.04.2017. “Qarabağ” 0:0 “Qəbələ”
Cari ölkə kubokunda “Qarabağ”la yolu kəsişməyən Yusifov Topaz Permyer Liqasında “Qarabağ”ı 5 dəfə meydana çıxarıb. Onun idarə etdiyi qarşılaşmaların balansında ağdamlılar üstündü. Eynilə “Qəbələ”də olduğu kimi, referi ağdamlı futbolçuları da rəqiblərinə nisbətən daha çox sarı vərəqə ilə cəzalandırıb – 9:8.
“Qarabağ” 1:0 “Kəpəz”
“Qarabağ” 0:0 “İnter”
“Qarabağ” 2:0 “Zirə”
“Qəbələ” 2:0 “Qarabağ”
“Qarabağ” 0:0 “Qəbələ”
Statisikadan da göründüyü kimi, Fariz bəy bu mövsüm tərəflər arasında keçirilən 2 oyunda da əsas söz sahibi olub. O, bu qarşılaşmalarda “Qarabağ”ın 2 (Ansi Aqolli, Miçel Madeyra), “Qəbələ”nin isə 3 futbolçusuna (Nika Kvekveskiri, Ürfan Abbasov və Tellur Mütəllimov) sarı vərəqə göstərib.