Ölkə futbolu
Qusarda 8 gün: hakimlər yalnız fiziki hazırlıq keçəcək – ÖZƏL
12 gündən sonra Topaz Premyer Liqasında yeni mövsüm s…
12 gündən sonra Topaz Premyer Liqasında yeni mövsüm start götürəcək. Komandalar hazırlıqlarını yekunlaşdırmaq üzrədi və çempionata yaxşı start verməyin planlarını cızır.
Amma hakimlər hələ də bir araya gəlməyib. AFFA-nın maliyyə ayırmaması üzündən Bolqarıstan toplanışı ləğv olunan fit sahibləri yeni mövsümə hazır deyil. Yay boyunca istirahət edən ədalət təmsilçilərinin durumundan xəbərsizik, lakin oyun praktikasının yoxluğunun onlara əngəl törədəcəyi dəqiqdi.
Futbolinfo.az xəbər verir ki, AFFA Hakimlər Komitəsi susqunluğa bu gün son qoymaq niyyətindədi. Qurumun sədri Xaqani Məmmədovdan aldığımız məlumata görə, hakimlər avqustun 1-dən etibarən Qusar Olimpiya Kompleksində hazırlığa başlayacaq. Cəmi 8 gün çəkəcək toplanışa yalnız Premyer Liqa hakimləri cəlb olunacaq.
24 hakim bu müddətdə fiziki hazırlığın artırılmasının qayğısına qalacaq. Onlara Hakimlər Komitəsinin sədri Xaqani Məmmədov, Hakim-İnspektorlar Komitəsinin sədri Əli Hüseynov və fiziki hazırlıq üzrə məşqçi Namiq Quliyev nəzarət edəcək.
Təbii ki, belə qısamüddətli hazırlıq fəsadlarını çempionat boyunca göstərəcək. Məmmədov razılaşmasa da, oyun praktikası olmayan hakimlər tez-tez səhvlərlə yadda qalacaq, kiminsə haqqına girəcəklər. UEFA-nın hakimlərin toplanışları üçün ayırdığı vəsaiti mənimsəyən AFFA isə onu “Səbail”, “İnter”, “Kəpəz” kimi ələbaxan klublara xərcləməkdə israrlıdı.
- Premyer-liqa2024-01-29 09:59
Premyer Liqada qış bazarlığı – YENİLƏNİR
- Premyer-liqa2024-01-28 19:23
“Neftçi”dən “Qəbələ” üzərində inamlı qələbə
- Ölkə futbolu2024-01-29 08:00
“Qarabağ”ın izləyicisi yenə dəyişdi, xal fərqi 15-ə çatdı
- Milli komanda2024-01-29 10:40
Vaqif Cavadov milli komandaya təyinat alacaq