Klopp: “Onlar mənim uğrumda vuruşaraq bu qələbəyə nail oldular”

Futbol üzrə UEFA Çempionlar Liqasının qalibi adını qazanan İngiltərənin "Liverpul" klubunun baş məşqçisi Yurgen Klopp finalda "Tottenhem" üzərindəki 2:0 hesablı qələbədən sonra fikirlərini bölüşüb.

Futbolinfo.az xəbər verir ki, o, bunları söyləyib:

“Bu, peşəkar həyatımızda əla bir gecə idi. Bütün futbolçularım və öz ailəm adına elə şadam ki… Onlar mənim uğrumda vuruşaraq bu qələbəyə nail oldular. Onlar buna hamıdan çox layiqdirlər.

Siz hətta çəndə yanacaq qurtardıqda belə mübarizə aparan belə bir komandanı nə vaxtsa görmüsünüz? Bizim əla qapıçımız Alisson Bekker var ki, onun sayəsində çətin işlər asanlaşır.

Klubumuzun sahibləri bizə heç vaxt təzyiq göstərməyiblər. Adətən, oyundan 20 dəqiqə sonra bir qədər sərxoş oluram. Amma indi mənim yalnız suyum var".

Qeyd edək ki, "Liverpul" Avropanın ən nüfuzlu klub turnirində 6-cı dəfə qalib olub. Bu, Yurgen Kloppun baş məşqçi karyerasında ilk beynəlxalq titul olub.