“Roma” Avropa Liqasının finalında “Sevilya”ya uduzub (1:1, penaltilər – 1:4).
Futbolinfo.az xəbər verir ki, bu qarşılaşma İtaliya klubunun hücumçusu Paulo Dibala üçün əlamətdar olub. O, “Roma”nın avrokubokların finalında qol vuran ikinci əcnəbi (argentinalı) futbolçusu olub.
İlk dəfə 1960/61 mövsümündə Yarmarka kubokunun finalında argentinalı Pedro Manfredini bunu bacarıb. Həmin matçda “Roma” “Birmingem”i məğlub edib (4:2).
