“Milan” Yunus Musanı transfer etmək istəyir. “Rossonyerlər” istəyinə çatmaq üçün “Valensiya”ya 18+2 milyon avroluq rəsmi təklif göndərib.
Futbolinfo.az xəbər verir ki, ispanlar transferin əleyhinə deyil. Lakin onlar 23-25 milyon avroluq təklif gözləyir. Musa klubdan ayrılmaq üçün komanda ilə yox, fərdi məşqlər edir və bununla “yararasalar”ın rəhbərliyinə getmək istədiyinin mesajını verir.
ABŞ yığmasının yarımmüdafiəçisi futbolda ilk addımlarını “Arsenal”da atıb, daha sonra “Valensiya” akademiyasına köçüb. 2020-ci ildən əsas komandada olan 20 yaşlı futbolçunun İspaniya təmsilçisi ilə daha üç illik müqaviləsi var.