Avropa Konfrans Liqasında 2-ci təsnifat mərhələsinin cavab oyunları keçirilir.
Futbolinfo.az xəbər verir ki, ikinci oyun günündə daha iki qarşılaşma baş tutacaq.
Kipr AEK-i səfərdə qalib gəldiyi Belarusun “Torpedo BelAZ” komandasını bu dəfə Larnakada sınağa çəkəcək.
Maltanın “Qzira Yunayted” komandası isə ilk oyunda 2 cavabsız qol vurduğu Lüksemburq “Düdelanj”ı ilə səfər matçında üstünlüyünü qorumağa çalışacaq.
Bu mərhələnin qalan cavab görüşləri sabah keçiriləcək. Azərbaycan təmsilçiləri “Neftçi”, “Sabah” və “Qəbələ” də rəqibləri ilə cavab görüşlərinə avqustun 3-də çıxacaqlar.
Avropa Konfrans Liqası
2-ci təsnifat mərhələsinin cavab oyunları
2 avqust
21:00. AEK (Larnaka, Kipr) – “Torpedo BelAZ” (Belarus) (3:2)
21:30. “Düdelanj” (Lüksemburq) – “Qzira Yunayted” (Malta) (0:2)