Azərbaycanı Avropa Konfrans Liqasında təmsil edən “Sabah” bu gün 2-ci təsnifat mərhələsində cavab oyununa çıxıb.
Futbolinfo.az xəbər verir ki, təmsilçilərimizdən ilk olaraq “Sabah” “imtahan verib”.
Murad Musayevin baş məşqçi olduğu kollektiv “Bank Respublika Arena”da Ltaviyanın RFŞ komandasını qəbul edib. İlk qarşılaşmada Bakı təmsilçisi rəqibini 2:0 hesabı ilə məğlub etmişdi. Bu üzdən ilk dəfə avrokuboklarda çıxış edən “bayquşlar” Masazırdakı görüşün də favoriti idi. Yeri gəlmişkən, “Bank Respublika Arena” ilk dəfə avrokubok oyununa ev sahibliyi edib.
Görüşdə hesabı qonaqlar açıblar. Amma əzmkar qələbə qazanan “Sabah” sürprizə imkan verməyib və növbəti mərhələyə yüksəlib.
“Sabah” 3-cü təsnifat mərhələsində Serbiya “Partizan”ı ilə qarşılaşacaq.
Avropa Konfrans Liqası
2-ci təsnifat mərhələsinin cavab oyunu
3 avqust
“Sabah” – RFŞ 2:1
Qol: Coy Lens Mikels, 77. Emmanuel Apeh, 90+4 – Yanus İkauniyek, 67.
Baş hakim: Fedayi San (İsveçrə)
“Bank Respublika Arena”
İlk oyun – 2:0
Sabah: 1. Yusif İmanov, 2. Amin Seydiyev, 3. Con İrasabal, 4. Elvin Camalov (k), 7. Boyan Letiç, 10. Aleksey İsayev, 12. Vensan Till, 15. Kristian da Silva, 18. Davit Volkov, 20. Coy Lens Mikels, 44. Sofian Çakla.
Ehtiyat oyunçular: 16. Rüstəm Samiqullin, 55. Nicat Mehbalıyev, 5. Rəhman Daşdəmirov, 6. Şakir Seyidov, 9. Anatoli Nuriyev, 17. Tellur Mütəllimov, 19. Emmanuel Apeh, 21. İldar Ələkbərov, 24. Maruan Hadudi, 27. Jarl Marqarita, 29. Ceyhun Nuriyev, 77. Namik Ələskərov.
Baş məşqçi: Murad Musayev.
RFŞ: 13. Yevgeni Neruqal, 3. Artur Zyuzin, 9. Yanus İkauniyek, 10. Emerson, 11. Robert Savalniyek. 19. Andrey İliç, 23. Herdi Prenqa, 25. Pyotr Mareş, 27. Adam Marxiyev, 43. Jiqa Lipuşçek (k), 52. Martsis Oş.
Ehtiyat oyunçular: 1. Pavel Şteynbor, 16. Sergey Vilkov, 2. Vladislav Sorokin, 7. İsmael Diomande, 8. Daniel Ontujan, 17. Sedrik Kuadio, 18. Dmitri Zelenkov, 22. Darko Lemayiç, 70. Draqolyub Saviç, 92. Vitali Yaqodinski, 99. Qleb Zaleyko.
Baş məşqçi: Viktor Moroz.