UEFA Çempionlar Liqasında iştirak edəcək “Araz-Naxçıvan” transfer çalışmalarını davam etdirir.
Futbolinfo.az xəbər verir ki, futzal üzrə ölkə çempionu daha bir legionerin keçidini reallaşdırıb.
Serbiya millisinin üzvü Lazar Milosavljeviç qitəmiqyaslı yarışda təmsilçimizin formasını geyinəcək. 25 yaşlı futzalçının son klubu “Muvo Lill Metropol” (Fransa) olub.
Qeyd edək ki, “Araz-Naxçıvan” yay fasiləsi zamanı legionerlərdən braziliyalı Erik Dannilo, serb Ninoslav Aleksiç, Husniddin Nişonov və xorvat qapıçı Luka Pavloviçlə anlaşıb.